Dharani Mandala Madyadolage ಧರಣಿ ಮಂಡಲ ಮಧ್ಯದೊಳಗೆ

ಧರಣಿ ಮಂಡಲ ಮಧ್ಯದೊಳಗೆ
ಮೆರೆಯುತಿಹ ಕರ್ಣಾಟ ದೇಶದೋಳಿರುವ
ಕಾಳಿಂಗನೆಂಬ ಗೊಲ್ಲನ ಪರಿಯನೆಂತು ಪೇಳ್ವೆನು

ಎಳೆಯ ಮಾವಿನ ಮರದ ಕೆಳಗೆ
ಕೊಳಲನೂದುತ ಗೊಲ್ಲ ಗೌಡನು
ಬಳಸಿ ನಿಂದ ತುರುಗಳನ್ನು
ಬಳಿಗೆ ಕರೆದನು ಹರುಷದಿ 

ಗಂಗೆ ಬರೆ ಗೌರಿ ಬಾರೆ
ತುಂಗಭದ್ರೆ ತಾಯಿ ಬಾರೆ
ಪುಣ್ಯಕೋಟಿ ನೀನು ಬಾರೆ
ಎಂದು ಗೊಲ್ಲನು ಕರೆದನು

ಗೊಲ್ಲ ಕರೆದ ದನಿಯ ಕೇಳಿ
ಎಲ್ಲ ಹಸುಗಳು ಬಂದು ನಿಂದು
ಚೆಲ್ಲಿ ಸೂಸಿ ಹಾಲು ಕರೆಯಲು
ಅಲ್ಲಿ ತುಂಬಿತು ಬಿಂದಿಗೆ

ಸತ್ಯವೇ ಭಗವಂತನೆಂಬ ಪುಣ್ಯಕೋಟಿಯ ಕತೆಯಿದು

ಹಬ್ಬಿದ ಮಳೆ ಮಧ್ಯದೊಳಗೆ
ಅರ್ಭುತಾನೆಂದೆಂಬ ವ್ಯಾಘ್ರನು
ಅಬ್ಬರಿಸಿ ಹಸಿಹಸಿದು ಬೆಟ್ಟದ
ಕಿಬ್ಬಿಯೊಳು ತಾನಿದ್ದನು

ಮೊರೆದು ರೋಶದಿ ಗುಡುಗುತ ಹುಲಿ
ಭೋರಿಡುತ ಚ್ಚಂಗನೆ ಜಿಗಿದು
ನೆಗೆಯಲು ಚೆದರಿ ಹೋದವು ಹಸುಗಳು




ಪುಣ್ಯಕೋಟಿ ಎಂಬ ಹಸುವು
ತನ್ನ ಕಂದನ ನೆನೆದುಕೊಂಡು
ಮುನ್ನ ಹಾಲನು ಕೊಡುವೆನೆನುತ
ಚೆಂಡಾಡಿ ತ ಬರುತಿರೆ

ಇಂದೆನಗೆ ಆಹಾರ ಸಿಕ್ಕಿತು
ಎಂದು ಬೇಗನೆ ದುಶ್ಟ ವ್ಯಾಘ್ರನು
ಬಂದು ಬಳಸಿ ಅಡ್ಡಗಟ್ಟಿ
ನಿಂದನಾ ಹುಲಿರಾಯನು

ಮೇಲೆ ಬಿದ್ದು ನಿನ್ನನೀಗಲೆ
ಬೀಳಹೊಯ್ವೆನು ನಿನ್ನ ಹೊಟ್ಟೆಯ
ಸೀಳಿಬಿಡುವೆನು ಎನುತ ಕೋಪದಿ
ಖೂಳ ವ್ಯಾಘ್ರನು ಕೂಗಲು

ಒಂದು ಬಿನ್ನಹ ಹುಲಿಯೇ ಕೇಳು
ಕಂದನಿರುವನು ದೊಡ್ಡಿಯೊಳಗೆ
ಒಂದು ನಿಮಿಷದಿ ಮೊಲೆಯ ಕೊಟ್ಟು
ಬಂದು ಸೇರುವೆ ನಿಲ್ಲಿಗೆ

ಹಸಿದ ವೇಳೆಗೆ ಸಿಕ್ಕಿದೊಡವೆಯ
ವಶವ ಮಾಡದೆ ಬಿಡಲು ನೀನು
ನುಸುಳಿ ಹೋಗುವೆ ಮತ್ತೆ ಬರುವೆಯಾ
ಹುಸಿಯ ನುಡಿಯುವೆನೆಂದಿತು

ಸತ್ಯವೇ ನಮ್ಮ ತಾಯಿ ತಂದೆ
ಸತ್ಯವೇ ನಮ್ಮ ಬಂಧು ಬಳಗ
ಸತ್ಯ ವಾಕ್ಯಕೆ ತಪ್ಪಿ ನಡೆದರೆ
ಮೆಚ್ಚಾನಾ ಪರಮಾತ್ಮನು

ಸತ್ಯವೇ ಭಗವಂತನೆಂಬ ಪುಣ್ಯಕೋಟಿಯ ಕತೆಯಿದು

ಕೊಂದು ತಿನ್ನುವೆನೆಂಬ ಹುಲಿಗೆ
ಚೆಂದದಿಂದ ಭಾಷೆ ಕೊಟ್ಟು
ಕಂಡ ನಿನ್ನನು ನೋಡಿ ಪೋಗುವೆ
ನೆಂದು ಬಂದೆನು ದೊಡ್ಡಿಗೆ

ಆರ ಮೊಲೆಯನು ಕುಡಿಯಲಮ್ಮ
ಆರ ಬಳಿಯಲಿ ಮಲಗಲಮ್ಮ
ಆರ ಸೇರಿ ಬದುಕಲಮ್ಮ
ಆರು ನನಗೆ ಹಿತವರು

ಅಮ್ಮಗಳಿರ ಅಕ್ಕಗಳಿರಾ
ಎನ್ನ ತಾಯೊಡ ಹುಟ್ಟುಗಳಿರಾ
ಕಂದ ನಿಮ್ಮವನೆಂದು ಕಾಣಿರಿ
ತಬ್ಬಲಿಯನಿ ಕರುವನು

ಮುಂದೆ ಬಂದರೆ ಹಾಯಬೇಡಿ
ಹಿಂದೆ ಬಂದರೆ ಒದೆಯಬೇಡಿ
ಕಂದ ನಿಮ್ಮವನೆಂದು ಕಾಣಿರಿ
ತಬ್ಬಲಿಯನಿ ಕರುವನು

ತಬ್ಬಲಿಯು ನೀನಾದೆ ಮಗನೆ
ಹೆಬ್ಬುಲಿಯ ಬಾಯನ್ನು ಹೋಗುವೆನು
ಇಬ್ಬರ ಋಣ ತೀರಿತೆಂದು
ತಬ್ಬಿಕೊಂಡಿತು ಕಂದನ

ಸತ್ಯವೇ ಭಗವಂತನೆಂಬ ಪುಣ್ಯಕೋಟಿಯ ಕತೆಯಿದು

ಗೋವು ಕರುವನು ಬಿಟ್ಟು ಬಂದು
ಸಾವಕಾಶವ ಮಾಡದಂತೆ
ಗವಿಯ ಬಾಗಿಲ ಸೇರಿನಿಂತು
ತವಕದಲಿ ಹುಲಿಗೆಂದಿತು

ಖಂಡವಿದೆಕೋ ಮಾಂಸವಿದೆಕೋ
ಗುಂಡಿಗೆಯ ಬಿಸಿರಕ್ತವಿದೆಕೋ
ಚಂಡವ್ಯಾಘ್ರನೆ ನೀನಿದೆಲ್ಲವ
ನುಂಡು ಸಂತಸದಿಂದಿರು

ಪುಣ್ಯಕೋಟಿಯ ಮತ ಕೇಳಿ
ಕಣ್ಣನೀರನು ಸುರಿಸಿ ನೊಂದು
ಕನ್ನೆಯಿವಳನು ಕೊಂದು ತಿಂದರೆ
ಮೆಚ್ಚಾನಾ ಪರಮಾತ್ಮನು

ಎನ್ನ ಒಡಹುಟ್ಟಕ್ಕ ನೀನು
ನಿನ್ನ ಕೊಂದು ಏನ ಪಡೆವೆನು
ಎನ್ನುತ ಹುಲಿ ಹರಿ ನೆಗೆದು
ತನ್ನ ಪ್ರಾಣವ ಬಿಟ್ಟಿತು

ಸತ್ಯವೇ ಭಗವಂತನೆಂಬ ಪುಣ್ಯಕೋಟಿಯ ಕತೆಯಿದು

ಪುಣ್ಯಕೋಟಿಯು ನಲಿದು ಕರುವಿಗೆ 
ಉಣ್ಣಿಸಿತು ಮೊಲೆಯ ಬೇಗದಿ
ಚೆನ್ನಗೊಲ್ಲನ ಕರೆದು ತಾನು
ಮುನ್ನ ತಾದಿನ್ತೆನ್ದಿತು

ಎನ್ನ ವಂಶದ ಗೋವ್ಗಲೊಳಗೆ
ನಿನ್ನ ವಂಶದ ಗೊಲ್ಲರೊಳಗೆ
ಮುನ್ನ ಪ್ರತಿ ಸಂಕ್ರಾಂತಿಯೊಳಗೆ
ಚೆನ್ನ ಕೃಷ್ಣನ ಭಜಿಸಿರಿ

ಇವನು ಸೌಭಾಗ್ಯ ಸಂಪದ
ಭಾವ ಜಾತಿಪ ಕೃಷ್ಣನೂ

Comments

Post a Comment

Popular posts from this blog

Rama Rama Mukunda Madhava / ರಾಮ ರಾಮ ಮುಕುಂದ ಮಾಧವ

ರಾಮ ರಾಮ ಮುಕುಂದ ಮಾಧವ ರಾಮ ಸದ್ಗುರು ಕೇಶವ ರಾಮ ದಶರಥ ತನಯ ದೇವ ರಾಮ ಶ್ರೀ ನಾರೇಯಣ ವಂದನಮು  ಶ್ರೀ ವೆಂಕಟೇಶ್ವರ ವಂದನಮು ಜಗದೀಶ್ವರ ವಂದನಮು  ಶ್ರೀ ವಿತ್ತಳೇಶ್ವರ ವಂದನಮು ನಾರೇಯಣ ಪರಮ ಪಾವನ ಪಕ್ಷಿವಾಹನ ಪದ್ಮನಾಭ ಜನಾರ್ಧನ ಪರಿಲೋ ಹರಿ ಕ್ಷೀರಾಬ್ಧಿ ಶಯನ ಅಮರ ಶ್ರೀ ನಾರೇಯಣ ಜಯತು ಜಯತು ಗಜೇಂದ್ರ ರಕ್ಶಣ ಜಯತು ಭಕ್ತಾವೇಶಣ ಜಯತು ಜಯತು ಸತ್ಯ ಭಾಷಣ ಜಯತು ಶ್ರೀ ನಾರೇಯಣ ಪಾಹಿಮಾಮ್ ಪರಮಾತ್ಮ ರಕ್ಷಕ ಪಾಹಿಮಾಮ್ ಸರ್ವಾತ್ಮಕ ಪಾಹಿಮಾಮ್ ಪ್ರದ್ಯುಮ್ನ ಜನಕ ಪಾಹಿಮಾಮ್ ನಾರೇಯಣ ಶರಣು ಶರಣು ಭುಜಂಗ ಶಯನ ಶರಣು ಯದುಕುಲ ಪಾವನ ಶರಣು ಶರಣು ಪ್ರಪಾಂಕ ಪಾಲನಾ ಶರಣು ಶ್ರೀ ನಾರೇಯಣ rAma rAma mukunda mAdhava rAma sadguru kEshava rAma dasharatha tanaya dEva rAma shrI nArEyaNa vandanamu shrI vEnkatEshwara vandanamu jagadIshwara vandanamu shrI viTThalEshwara vandanamu nArEyaNa parama pAvana pakshivAhana padmanAbha janArdhana parilO hari kshIrAbdhi shayana amara shrI nArEyaNa jayatu jayatu gajEndra rakshaNa jayatu bhaktAvEshaNa jayatu jayatu satya bhAshaNa jayatu shrI nArEyaNa pAhimAm paramAtma rakshaka pAhimAm sarvAtmaka pAhimAm pradyumna janaka pAhimAm...
Read more

ಕನ್ನಡದಲ್ಲಿ ಹನುಮಾನ್ ಚಾಲಿಸ

Image
ಹನುಮಾನ್ ಚಾಲಿಸ ಜಯ ಹನುಮಂತ ಹೇ ಜ್ಞಾನಿ ಗುಣವಂತ ಜಯ ಕಪೀಶ ಜಯ ತ್ರಿಲೋಕ ಪ್ರಕಾಶ || ೧ || ರಾಮ ದೂತ ಅಗಣಿತ ಗುಣ ಧಾಮ ಅಂಜನಾಪುತ್ರ ಪವನಸುತ ನಾಮ || ೨ || ಮಹಾವೀರನೆ ವಿಕ್ರಮ ಬಲಶಾಲಿ ಕುಮತಿ ನಿವಾರನೆ ಸಜ್ಜನ ಸಂಘೀ || ೩ || ಕಾಂಚನ ಕಾಯ ವಜ್ರ ಶರೀರ ರುಚಿರ ಕುಂಡಲ ಧರ ತೇಜೋ ರೂಪ || ೪ || ದ್ವಜವಜ್ರಾಂಕಿತ ಹಸ್ತ ಸುಶೋಭ ಮೌಂಜಿ ಧರ ಶುಭ ಯಜ್ನೌಪವೀಥ || ೫ || ಓ ರುದ್ರಾಂಶನೆ ಪವನ ಕುಮಾರ ತೇಜೋ ದೇಹ ಜಯ ಜಯ ವೀರ || ೬ || ವಿದ್ಯಾವಂತ ಚತುರ ಗುಣಶಾಲಿ ರಾಮಕಾರ್ಯ ಸಾಧಕ ಸುರ ಬಾಲ || ೭ || ರಾಮಚರಿತ ಮಾನಸ ಮಹಾವೀರ ರಾಮಲಕ್ಷ್ಮಣ ಸೀತಾ ಪ್ರಿಯ ಧೂತ || ೮ || ಸೂಕ್ಷ್ಮ ರೂಪಧರ ಸೀತಾ ದುಃಖ ಹಾರಿ ಲಂಕಾ ಭಯಂಕರ ರಾವಣ ವೈರಿ || ೯ || ಭೀಮ ರೂಪಧರ ಅಸುರ ಸಂಹಾರ ರಾಮದೂತ ಪವನಸುತ ವೀರ || ೧೦ || ರಾಮಲಕ್ಷ್ಮಣ ಪ್ರಾಣ ದಾತ ರಾಮಪ್ರಿಯ ಸಕ ಹೇ ಹನುಮಂತ || ೧೧ || ರಘುಪತಿ ಪ್ರಿಯ ಹೇ ಗುಣ ಗಣ ಧಾಮಾ ಭರತ ಸಮಾನ ಹಿತ ರಾಮನ ಧೂತ || ೧೨ || ನಿನ್ನಯ ಕೀರ್ತಿಯನು ಶ್ರೀರಾಮನು ಪೊಗಡಿದ ಆಲಿಂಗನದ ಪರಮಪದ ನೀಡಿದ || ೧೩ || ಯಮ ಕುಬೆರಾದಿಶ ಪಾಲರು ಪೊಗಳೆ ನಿನ್ನಯ ಕೀರ್ತಿಯು ಹೇ ಜಯ ವೀರ || ೧೪ || ಬ್ರಹ್ಮಾದಿ ದೇವತೆಗಳು ಸನಕ ಸನಂದನರ ನಾರದ ಮುನಿಗಳು ನಿನ್ನಯ ಪೊಗಳೆ || ೧೫ || ಸುಗ್ರೀವನಿಗೆ ನೀ...
Read more